؎ دل ئے چولاں  سرا  کشنت  پہ  رائے؎
اے شائر  شعر  ئے  ارزشت ئَ نزاناں

وتا چاگرد ے  ایروپاں پاتایاں
دل ئَ اچ زند ے واھشت ئَ نزاناں

منی سر سوجیان سر پد نہ بیت کس
کہ من ھر دانکے زرنوشت ئَ نزاناں

منا بل کہ وتا گوں دز گٹاں
من کارانی وتی پد پشت ئَ نزاناں

تئی ھمرائی َ  پد ویرانگی بیت
دل َ  دیر انت کہ پرشت ئَ نزاناں

کتگ رھچار دل پہ سنگیں ماولے ئَ
گوشنداریت کس دلے زرمبشت ئَ نزاناں

پدا گواتے چڈکہ ئَ چہ پچلرزتاں
کہ وشبو کیا  مشت ئَ نزاناں

منی بہت ئَ مجن بژن تو سمیع۔
شپے کوراسی کدی کشت ئَ نزاناں